მთას ყოფნა

მთას თოვლი მოჰკიდებია

მწყემსო აჰყარე ცხვარია

ადექ და ბარად ჩამოდი

ბიჭო შეირთე ქალია

ან არ მოგწყინდა მთას ყოფნა

ან არ მოგინდა ბარია

ან ლამაზი ქალთან ალერსი

ან მასთან საუბარია

არცა მომწყინდა მთას ყოფნა

არცა მომინდა ბარია

არც ლამაზ ქალთან ალერსი

არც მასთან საუბარია

თვალ წითელ შიშაქ მირჩევნის

ჩემი ფარეხის თაღია

ბორბალოს ნისლი წვიმს ისლით

ქალის ალერსის დარია

კაპიტანი ბუხაიძე

მე ქართველი ბუხაიძე,

კავკასის მთებში ვწევარ…

რომ შემეძლოს საფლავიდან

ძმებო მხრების წამოწევა,

არ ვუშვებდი დარიალთან

გააფთრებულ ყვითელ გველებს…

/მე საფლავში არა ვწევარ,

აქ დარაჯად დამაყენეს./

მე სიცოცხლეს ხელმეორედ

შევწირავდი მშობელ მხარეს,

/შევწირავდი იმავ მიწას,

დღეს რომ გულზე დამაყარეს./

ვინც დამხედოთ, გადაეცით

საქართველოს მთებს და ველებს,

/რომ მისი ძე, ბუხაიძე,

აქა ვჟლეტდი სისხლის მსმეებს;/

დავუბარებ ყველა ქართველს:

მისი წმინდა ვალი არი -

/მოკვდეს, მაგრამ მკერდით შეჰკრას

დერბენდი და დარიალი/

სახუმარო ავენისზე

ტირიან თუშის ქალები

არ მოგვივიდნენ ქმარები

ვაი თუ დახოცეს ლეკებმა

დააყრევინეს თავები

ნეტავი მომკლა მთაშია

დამმარხა ბუნებაშია

ნეტავი გამაგებინა

რა გიდევსთ გუნებაშია

ქალავ გუშინ და გუშინწინ

დედა რად გიჯავრდებოდა

მესმოდა შენი ქვითინი

ვახშამი მიმწარდებოდა

ჩამოსხდებიან ხევსურნი

ლუდის სასმელად ბანზედა

ქალაუ ჩვენთან გადმოდი

ნუ გამირბიხარ განზედა

ნეტავ რადმე მაქცია

ბულბულად გადამაქცია

მასწავლა ბულბულის ენა

თქვენ ბაღებს შემომაჩვია

ქალავ გუშინ და გუშინწინ

დედა რად გიჯავრდებოდა

მესმოდა შენი ქვითინი

ვახშამი მიმწარდებოდა

ხორხორ დაგვტოვებ ტიალო

წიფლანო და ხილიანაო

გადმოგიარე ჯეჯეთო და

სერებიანო ტყიანო

ვისი ხარ ქალი ლამაზი

თვალჭრელო წითელთმიანო

ვისი ხარ ქალი ლამაზი

თვალჭრელო წითელთმიანო

თელავზე

საქართველოს ყვავილში ტურფა ვარდი ხარ

მაგ პატარა სილამაზით მართლაც კარგი ხარ

კახეთის გულის მშვენებაო ლამაზო მხარევ

ჩვენ კოპწია თელავო შენ გაიხარე

ვით დედა შვილებს ობლებსა თავს გადაჰყურებს

რაც დრო გადის ჯეილდება აბა უყურეთ

რამდენი გმირის აკვანი შენ დაარწიე

ქვით კირის გალავნიანო შენ გენაცვალე

ნადიკვარი ნიავი თუ ცივი მთებია

ყველაფერი უკეთესზე უკეთესია

მიტომა მსურს ტკბილი ხმებით გული ვიჯერო

ჩემო კოპწია თელავო, სულ შენ გიმღერო

სად არის ერეკლეს ხმალი საქართველოში

ბაში აჩუკზე თქმულება ძველ შუამთაში

პატარა და კოხტა ქალო ჩვენო თელავო

იცოცხლე მრავალჟამიერ ტურფა თელავო