კარატის ჯვარზე
 

კოპალას გაღმარჯვებიყვა

ბორბალს გაივლის მთისასა

არ წირავს კარატიონი

თუშეთს ბეგარსა ცხვრისასა

შაიბნეს ქისტი ჴევსურნი

ბორბალს ვერ დასძვრენ მთისასა

ქისტნი დაგლევდნესთ ჴევსურნო

გიშველათ თათარაულმა

ხახიტის ხახონმ გიშველათ

ჟურაკმა მარიემულმა

ბერმა გიშველათ ჯაჴნამა

ჩაბაკის სიონეურმა

ომიანა რომ მანზედა

სისხლს აწვიმს ზეთი დარია

ომობენ ხახიკაურნი

პირში შველანი ყმანია

ძაღლიკას წამაეხვივნენ

ხახიკაურსა ცხრანია

შენ დედას ძაღლიკაისას

შინ დამრჩომიყვა ფარია

აღარც მეხურა ჩაჩქანი

არცა მკლავი მაქვს ცალია

გამახახონის სიკვდილსა

წყინობს კარატის ჯვარია

ყველამ იგლოვეთ ხახონი

ტანზე ჩაიცვით შავია

გაიღან სამადლოზედა

ხახონის ტალავარია

ბორბალ შაიბნენ ვაც-ვერძნი

რქათ ის არ გაზდის წკრიალი

ვაც ვერძნიც არა ყოფილან

კარატის ჯვარი ჴლდიანი

ჩანთას სტერელოს ჴოჭეხა

მკაცრამ დალია ჭკვიანი

გზას რად უკრევდეს კოპალას

მსახურნ ეტანნეს ხმლიანნი

ქისტისი ვარო გიუბნავ

ბორბალ მარჯვია სავალი

კოპალა არ გაგიგონავად

ადრნ შენც გეტყვის მავალი

ხახიტის ხახონ გიბოძა

ის არი ორბის თმიანი

ქისტო მთით გამოგაბრუნა

მიწაც გაჭმია მტრიანი

ბორბალ აგებენ ციხესა

ბროლ მარილაის ქვისასა

ლიბუდ უდებენ ვადათა

ხახით ხახონის ხმლისასა

ფარსა შაამბენ კარადა

ბებრისა ჯაჴნაისასა

ადეშა ფერცხალსა ყრიან

სომოცის დოჭურისასა

ქისტები ხევსურეთში ქურდობაზე

ვა ბეჩავ ჩემო ფანდურო

ფანდურ არა გჯობ ხისაო

დაუკრავ ეგრე იძახე

მეგონა სპილენზისაო

ერთსა მე ვიტყვი სიტყვასა

ბევრი არ ვიცი თქმისაო

მამაძაღლები ქისტები

სუ საქურდალზე ზისაო

მახპარვენ წიწილაშვილსა

ორსაოდ ფუტკრის ძირსაო

წიწილათასა გიორგის

მახპარვენ ფუტკრის ძირსაო

იწყობენ ქეშრულაშია

ქალაქ წავუტან ტკბილსაო

გაიკა წიწილაშვილმა

მუხლი შაიბამ მგლისაო

მალევე შამეწია

დაბლა იმ კუთხის ძირსაო

ზოგებ ჩაყარა წყალშია

ზოგებ აღბღატნა ჩდილსაო

აიმ ღამესა ვაჟაი

ლამიანაზე ზისაო

საგათენებოდ წამავა

აჴოს მავიდა ძირსაო

ხმა გატყლდა ლიქოკელებო

მაგვეშველენით ჭირსაო

გავაგებიათ თათარსა

მათოთიაის შვილსაო

საამხანიგოდ აქებენ

მჭერელ არა სჯობს მთისაო

მეტოქეობით აქებენ

მაწიწილაის შვილსაო

მარჯვენა მხარეს ბერდენკა

ქისტებ ჩამოდის ძირსაო

იაღსარის საფერხულო

შაიყრებიან დევები

სადაც დიდ მეიდანია

გაარიგებენ იმასა

ერთურთს უჭირონ მხარია

ღვთისშვილთ კოპალა მოუკლან

თავში დააცნან ქვანია

ეგ რო გაიგეს ღვთისშვილთა

გაგზავნეს იახსარია

ცხრათავ ჰყვანიყვა დედაი

ცხრათავ გამზრდელი ქალია

ცხრანი იმაში დახოცნა

თავს ჩააქცია ბანია

მეათე თავქვე გაექცა

თან ჩაჰყვა იაღსარია

კარგად სცოდნიყვეს იმასაც

აბუდელაურთ ტბანია

ცალთვალ ჩავიდა ტბაშია

თან ჩაყევ იაღსარია

იქიდან ვეღარ ამოველ

სისხლმა გამიბნა მხარნია

ბევრი ეძებნეს ჩემ ყმათა

ოთხ რქა ოთხ ყურა ცხვარია

მოიყვანეს და დამიკლეს

ღმერთო დამწერე ჯვარია

ჩამოვჯე ბროლის ქვაზედა

შამოიბერტყე მხარია

ჩავხედე ჩემსა ნაჯდომსა

წითლად მამრჩალან ქვანია

აქედან კარატემდინა

შიბცაზე გასავალია

ეგრე გამოვიარე

ვერ მომკიდიან თვალია

ავის გორს ციხეს აგებენ

დევები ცხრანი ძმანია

ცხრანი ქვას ეზიდებიან

კარავს ვერ შაზდვეს ქვანია

გადავხე მარტო ავწიე

დაუდევ კარავს თავია

ერთმანეთს ეუბნებიან

ეს ჩვენზე ძალიანია

ვაჟიას მამუკა

შაქება ხევსურის შვილსა

მამუკას შაჴდებისაო

მაინის მამასახლისო

დედა გაგიწყრა ღვთისაო

შაზირწვერე ხევსურნი

ძალა გაქვ ჴელმწიფისაო

ჴევსურთ აღარ აქვთ გავედა

ფარისაიდა ჴმლისაო

აღარ გაყენებს ტირილი

ქალისაი და ზლისაო

მუივა მათი ცნობაი

მაშადურაის შვილსაო

მამუკა ჴელად არ მივა

იაფ არ დარჩას მთისაო

წამოვა არხოტისკესა

ადგილი ნაპირისაო

იქითაც მალევ დაბრუნდა

აქ ჩემსა ნახვა ჭირსაო

უკენ მოგდევდეს ჴევსურნი

რო ფარა ფშავლის ცხვრისაო

ჩამაუჩინდა მდევარსა

ბლოსთავმა წვერის ძირსაო

ვერ გადახედეს შიშითა

მუნ დაიჭერდა გმირსაო

ჴევსურებმ არხოტ დაიწყეს

ჭამაი საქონლისაო

შენ ფხიტულ გადაიარე

ლაღო არწივო მთისაო

ჴელ-ფეჴ გექნების დამზრალი

ტყავ ატანილი ცხვრისაო

ბაკურჴევ ჩასვლა გწადია

სტუმარო თავის დისაო

გადასვლა საჩეჩნეთშია

გაცნობა ზელიმხნისაო

ბალთაში გიწდის მწერელი

გამოგზავნილი ღთისაო

წინიდან შამაეგება

სალდათი ყაზახისაო

ბილით გექნება ჴევსურო

გავლა თუ გინდა გზისაო

ამაიტანა უჩვენა

პასპორტი დიდი ხნისაო

იმათ სურათი აჩვენეს

განთქმული ყაჩაღისაო

მამუკამ შუბლი შაიკრა

პირში არ წირავს ღიმსაო

ჴელი გაიკრა ხანჯალსა

შუქი ამოჰყვა მზისაო

წინწინ ოფიცერს შამაჰკრა

ნათოსი დაზდგა ყბისაო

მეორეს დასცა წვერითა

შენც ჩემ უმცროსი იყავო

მესამეს გარდაუქნია

მამტან იქნები წყლისაო

მემრ კი გაიქცა მამუკა

როგორც ნადირი ტყისაო

ზაკვ მისცეს რუსის შვილებმა

მუხლი მოსტეხეს მგლისაო

იქვე გათხარეს საფლავი

ბალთაში გზის ნაპირსაო

ხმით ნატირალი, გვრინი

თუ არ იჯერებ სამზიმარო

ავჯავრდა თოშ კაცებივითაო

ეს გვარი დავაკვეხნათ გვარსაო

წყალს იქითელი მაგარ სძულსაო

წყალს იქითელო ვერ გაუხოლო

ჩუჩაყეური ჰგავ ქარსაო

უდგან ციხენი ორწყალშიაო

ტანის ღელიით იქმენ ჩქამსაო

ფხიტურს მაცნეი გადმადგებაო

ოხერ ხეველი აძლევს ბანსაო

ფიცხელაურ გვყავ ლეკვიანიო

აძრახდა საყორებელ ხმასაო

ვამზადებთ თინი ბექაურსაო

მაწყალს იქითლის საქმარედაო

გრძელია გორკეკელის გორიო

ფიცხელაურო ვერ შაიხდებიო

თუ შახე გორკეკელის გორსაო

უსაჯურის ძეს ვერ დახვდებიო

თუ დახვდი უსაჯურის ძესაო

ქალის საქმარეთ შაჰფერდებიო

გვრინი

ეგეთასამც ნუ ვინ იჴდისო

ჩვენ რომ გავლიეთ შარშ ზაფხულიო

ძმა ძმას ჩაუჯდა საყუჩჩიგაო

ერქვან ტოტზეით ჩამაღრიაო

აბღუნა თავის მამულჩიაო

დამკრეფის დანატრა კაციაო

ყურთ მაგვდიოდა სუყველასაო

მამკლავ დაგვიდგა პირდაპირაო

მღეროდა ლომი კაი შვილიო

მთიბელმა მთიბელს გადმაზძახნაო

ბაჩნის თავითა ყვარის თავსაო

გადმოდი ჩემსა ნათიბშიაო

ფეტვნიც კი მაიკრიფებიანო

ქალმან დავჩვითენ ჯღან წინდანიო

სასიპის ღელეს სიარულსაო

თვალით გიჭირე ვერსად გნახეო

ხიელოს კალოს ყოფილიყაო

გელდიაურის თიბლებშიაო

ლეგოსნებშია თეთროსანიო

სათავ-სათავეს მოუვლიდიო

ნამჴრევებს ტოტსა ჩაუჭრიდიო

ნაზირ-ვეზირი ჩაგეჴოცნაო

ბაცეს და ბისოს მამიდანიო

რანიც ერთად არ შაგვყრიანო

დუცის თავსა გვანატრიანო

ნუცრას ერთს კითხავ მამიდათაო

ჩეტკოევს კითხე მარნაულსაო

მემრ წედ გიგას დაეკითხე

აჴო სანაგის მემიჯნესაო

წაიქცნეს რიგნი არჴოშიგაო

სანაგის სანაგმ დაიძინაო

ლაშქარს ქვევინარ შაგვიყრიდაო

გიგაურს სამხარაულისეო

დროშათ ქვევინარ აგვიბამდაო

ჴმალას წითელთა ტრასისთავო

მუხრანს ქვევინაღ დაღბეგრევდაო

მინდორს სისხლითა გაბასრულსაო

გუდელას მუშა აირივაო, გვრინი

გუდელას მუშა აირივაო

წყალი მოვიდა სისხლიანიო

სად მოხდა ნეტა ესეთა ომიო

სად ვინ ჩახოცა ერთმანეთიო

ბუჩუკურ უკვე ნახოვლევსეო

ვაჟებს ერთურთი უჩეგრიათო

დის წულს ბიძაი შამაჰჭრიაო

იმად ვიყავ ბიძაისაო

გავსჩვია ფარიკაობასაო

ღორი ღორი ხარ ბუჩუკუროო

ღორმა ღორობა არ მაიშალეო

ჯერ სანამ ხორხ არ გამამართვიო

ეხლა შუა სხვირს მეკიდებიო

არყის ბოჯოლთა დაიმოწმანო

კაცისა ველზე ამასულთაო

გიგაის წვერთა ჭაღრიანთაო

ჯიხვის რქათავით დაგეხრილთაო

სამჯერ კისერში დანასკულთაო

რასაც შენ იბრძვი ბუჩუკუროო

არ გიჯერიბენ ბუჩუკურნიო

გიგა არ გვინდა კაცებჩიაო

ჯამი შაჭამა ხოვლისეო

დედის ძმათ