შატილზე

სხვაიმც ნუ დაიბადება

ჩემფერა გზისა კვალისა

არც სხვა ყოფილა მშვიდობით

მა პაპიჩემის გვარისა

მე ობოლს გამაწირვიეს

ტკბილი სამშობლო თავისა

ჩემის ქვითკირის ქვებზედა

დღესაც ყვავები სჩხავისა

მამიკლეს მამიდაშვილი

გაზრდილი ლერწამ ტანისა

დრო აღარ მისცეს ეხმარა

ძალღონე თავის მკვლავისა

მტრის ტყვიას დაუნდობელსა

უდროოდ დაუთრავისა

ამ ცოდვა ბრალის გამგებსა

მეც ვეღარ გამიძლავისა

აბა რას მარგებს მადენა

თვალებზე ცრემლის ღვარისა

ვაჟკაცს უხდება მტრის ძებნა

ჴმლისად ძგერება ჴმალისა

თუ გაჭირდება სიმაგრე

მსგავსად ქარაფის სალისა

შატილი იყო წინითგენს

გაუტეხელის ძალისა

ურჯულოს ჰჴოცდეს ვაჟკაცნი

ტანზე ამსხმელნი რვალისა

ხევები გაჩნდა საზღვრადა

ნადენი სისხლის ღვარითა

დახკარით ახალგაზრდანო

ცეცხლი ადინეთ ალისა

მტერს ერთიც არ შაარჩინათ

ზედმეტი სისხლის ცვარიცა

რაც შატილ დაარსებულა

მტრისად არ დაუთმავისა

ხუთშაბათ გათენებადა

ხუთშაბათ გათენებადა

ირემ დაიძრა მთისაო

საგათენებლოდ შამახდა

თხორუსთავ წვერის ძირსაო

დავკონე თორმეტ თივანი

ნაბაკურაის პირსაო

ჩამოუყენენ ჩაღმასა

ყინულიანსა ჩდილსაო

ზედ ფიცხი ძილში ყინული

სათრელი ეშმაკისაო

ვაჟ უნდა გულზე მასული

არ გამაიგან ძირსაო

ჩაგხედავ ჩემო შატილო

ადგილო ნაპირისაო

წინ იდგენ ნამუქარებო

ნაბძოლო შამილისაო

ბევრა ვაჟია შატილა

გულზე სხო ხის ქვისაო

ბევრად წინააც ყოფილა

ჯავრ არ უჭამავ მტრისაო

თუ წახვალ მონადირეო

ნადირ ირჩიე თვლისაო

ტყავ ჴორცით გამასადეგი

მასაკლავადაც ღირსაო

გავდგები ქაბალახკევსა

ყინულიანსა ჩდილსაო

კლდის თბისად მატოლებულსა

ნიავ გვაწუხებს მთისაო

საგათენებლოდ შამაჴდება

ჟღარეი ნადირის რქისაო

თავარს აყოლებ ლიშანსა

ესრე მაყოლებ გმინსაო

დაიწყებს გადმოდენასა

როგორც ფათოლის თვლისაო

ჩაგიხალიზებს ჩასვლასა

ამოთვლა ნაზარდისაო

ჩახედავ გაცინებული

ნეტარ ხარ ვითაისაო

ხევსურული

დავნატრიო დაბადებასაო

დართლოს ხუტურისა ძისასაო

ყანს კი ერთისასაც არ იყვაო

ტრისასა და მაკეთისასაო

ლოგინს დგამდა ნაყაეჩოსაო

შიგ ქუჩსა ჩააგებდა მთისასაო

უბარებსა ყადუელებსაო

ლეკნი რად ზდით ჩვენის გზისასაო

ნანა, თორღვას ქალი

ჩიღოს წისქვილში ატირდა

ნანა თორღვაის ქალია

შენომა ჩემო თორღვაო

ნუმც შაგიმბია ხმალია

ნუმც გიხოციან ლეკები

ნუმც გიდენავის ცხვარია

შამიკრეს გამოსავალი

ლეკთა წისქვილის კარია

მე თუშიშვილებ მეგონა

ლეკთ შამააწყვეს ჯარია

შიგ ჩამიჴოცნეს ძმა-შიმშნი

იმით დავიჭრენ თმანია

უბეს ჩამისხეს ხელები

მიბრუნვენ სისხლის ტბანია

ფეხშიშველს გადმომავლივნეს

თვირთვილიანნი მთანია

ჩავმარხენ საყურ-ბეჭედნი

იმით ჩავნიშნენ გზანია

გამოვირიდე ზალტეი

თუშებმ დაიგან კვალია

უთხრიდით ჩიღოელებსა

ხახონს უჭირან მხარეა

ჩემმა საქმარემ ხიწვამა

მაღლა შაიბას ჴმალია

შუაღამის დროს მოვიდეს

ხახონის თოფის ჴმანია

დათვალეთ ლეკის შვილებო

ხიწვაის ნახანჯლარია